មហាសន្និបាតគឺជាស្ថាប័នឈានមុខគេរបស់ សមាជិកនៃសមាគម អ៊ី. អឹម. ឌី. អា កម្ពុជា។ ដែលមានទាំងសន្និបាតទូទៅធម្មតា និងវិសាមញ្ញ។ មហាសន្និបាតទូទៅធ្វើឡើងមួយឆ្នាំម្តង ដោយមានការចូលរួមពីសមាជិកស្ថាបនិក សមាជិកកិត្តិយស និងសកម្មរបស់សមាគមតាមការអញ្ជើញរបស់ប្រធានសមាគម។ និយោជិកមានសិទ្ធិចូលរួម ប៉ុន្តែមិនបោះឆ្នោត។

ប្រតិបត្តិការប្រចាំថ្ងៃរបស់គណៈកម្មាធិការប្រតិបត្តិរបស់សមាគម អ៊ី. អឹម. ឌី. អា កម្ពុជា គឺដោះស្រាយ បញ្ហាបន្ទាន់ និងធ្វើការសម្រេចចិត្តសំខាន់ៗក្នុងនាមមហាសន្និបាត។ ពួកគេមើលការខុសត្រូវលើការអនុវត្តគោលនយោបាយមហាសន្និបាត និងធានាថាសមាគមដំណើរការបានយ៉ាងរលូន នៅពេលដែលមហាសន្និបាតមិនត្រូវបានកោះប្រជុំ។

គោលបំណងចម្បង និងសំខាន់នៃក្រុមប្រឹក្សារ របស់សមាគម អ៊ី. អឹម. ឌី. អា. កម្ពុជា គឺផ្តល់យោបល់ដល់គណៈកម្មាធិការប្រតិបត្តិនៃសមាគមទាក់ទងនឹងទិដ្ឋភាពបច្ចេកទេស ថវិកា និងបញ្ហាសំខាន់ៗផ្សេងទៀត។ ក្រុមប្រឹក្សាមានតួនាទីខ្ពស់បំផុតក្នុងការបង្កើតគោលនយោបាយអភិបាលកិច្ច និងការសម្រេចនូវអ្វីដែលសមាគមត្រូវការដែលសម្រេចដោយមហាសន្និបាត។

សមាជិកគឺជាឆ្អឹងខ្នងរបស់សមាគម អ៊ី. អឹម. ឌី. អា កម្ពុជា។ ពួកគេរួមគ្នាបង្កើតស្ថាប័នដែលរឹងមាំរបស់មហាសន្និបាត។ ការចូលជាសមាជិក បើកចំហសម្រាប់អ្នកដែលធ្វើការលើផ្នែកសុខភាពផ្លូវចិត្ត អាចចូលជាសមាជិករង និងចំពោះអ្នកជំនាញដែលបានទទួលការបណ្តុះបណ្តាល និងកំពុងអនុវត្តការព្យាបាលបច្ចេកទេស អ៊ី. អឹម. ឌី. អា អាចចូលជាសមាជិកពេញសិទ្ធិ។ យើងស្វាគមន៍ចំពោះការចូលរួមគាំទ្រ និងលើកកម្ពស់សុខភាពផ្លូវចិត្តនៅកម្ពុជា។